Os heroes do Insua 🌈

Que gusto vervos! ♥️♥️♥️

VOLTA AO COLE!!

Booo e fermoso martes meus queridiños e queridiñas 😍😍

Que tal de vacacións? Diferentes, raras, xeniais, relaxadas, divertidas? 

Comezamos novo trimestre, pero imos empezar pouco a pouco, sen presa, relaxadamente. 

Comezamos por correxir os traballos do trimestre pasado. Déixovos o enlace á carpeta. Xa sabedes, poñedes un ben naqueles que vos vaian ben e correxides os que non. Ollo con fiarse a cegas de min, que eu tamén son humana e me equivoco. Se algo non nos vai igual repasade, se non teño razón dicídesmo en comentarios, por fi.😊
(ACTIVIDADES 23,24,25,26,27,30 de marzo e 2 de abril)

Carpeta de 5B

A profe Bea tamén me mandou as actividades de Inglés correxidas. 

O traballo que puxo para esta semana, moitos xa o teredes feito, é para os que non vos deu tempo e para os que non volo correxíu.

Ademais hai indicacións para conseguir o class book.

Póñovos o enlace a carpeta de Inglés. 

Carpeta Inglés

A actividade de hoxe é a de RECOMENDA UN LIBRO. 

A semana do 20 ao 24 é a semana do libro. Gustaríame ter para esas datas unha recomendación, de cada un de vós, dun libro que lle gustara un montón (tanto como me gustou a min Memorias dun neno labrego). Déixovos abaixo a ficha, podedes cubrila no ordenador, escribila a man, facerlle un debuxo que acompañe a recomendación... Poñédeas bonitas porque van directiñas a unha publicación no blog.

E isto é todo por hoxe. Pénsade moito o libro, é super importante.

Un abraciño virtual

💖💖💖💕💕💕💖💖💖💖💕💕😍😍😍😘😘