MARUXA E MATEMÁTICAS

Bo dííía! 

Que tal estades?

Estes días de confinamento a miña cabeza non para de pensar e acordeime de Maruxa, vós acordádesvos da actividade? 

Podíamos facer unha "Maruxa especial confinamento". Que vos parece? Temos que estar todos dacordo porque é necesario que participemos, tanto por comentarios como por correos electrónicos (As instruccións que me cheguen por correo electrónico poñereinas eu nun comentario).

Explícome, podemos ir facendo unha Maruxa con instruccións que vaiamos dando ao longo da mañá/tarde. Irémonos  nominando como nun reto, así seguimos unha orde. 

Por exemplo, comezo eu: MARUXA TEN A CABEZA REDONDA E TAN GRANDE COMO A ROTONDA DA ENTRADA DE VILALBA. (Nomino a Andrea) Agora Andrea tería que inventar outra parte do corpo. Cada un de nós iría debuxando a súa Maruxa na casa e despois ensinaríamos os resultados. Que vos parece, intentámolo?

Por outro lado déixovos un pouco de repaso de matemáticas

Isto é todo por hoxe.

Un abrazo virtual 💖💖

RECOMENDA UN LIBRO IV

Cuarta entrega de Recomenda un libro! 

Imos alá:

Empezamos con Nerea Guerra que nos recomenda un LIBRAZO. Así, en maiúsculas. A historia de Harry Potter é lectura obrigada, desde o primeiro ata o último. Porque si, porque o digo eu e porque son moi fan (😍). É unha saga que nos fai vivir. Nerea explícanos moi ben os motivos polos que deberiades caer na tentación. 

Grazas Nerea 💛

É o momento de Lis, que nos recomenda Judy Moody está de muy mal humor. O primeiro día de cole sempre é un pouco difícil, non? Pero non creo que o seu compañeiro fose tan pesado, ou si? Habrá que lelo para opinar. Lis cóntanos tamén que a recomendación é múltiple, que existen varios libros na colección, e vaia se hai! Coa recomendación de Lis podemos entreternos e divertirnos con Judy un bo anaco! Que marabilla!

Grazas Lis 💛

Vero tráenos unha recomendación que parece super cuqui. Trátase de Lady Pecas: locura lejos de casa.  Só co que nos conta Vero do libro, xa temos dous motivos importantísimos para poñelo en lista de libros pendentes.  O primeiro motivo é que hai cachorriños (pequeniños e cuquis) e o segundo é unha lección valiosísíma, que traballando xuntos podemos conseguir todo o que nos propoñamos! 

Grazas Vero 💛

Nicolás recoméndanos un libro que poderíamos definir como... espectacular? Creo que si. Trátase de La puerta de los tres cerrojos. Sempre que se fala de física cuántica eu quedo algo pasmada. Pero coa recomendación de Nico parece que podemos entender un pouco máis. Estou segura de que algúns de vós xa estades desexando facervos con el!

Grazas Nico 💛

Pensabades que as ía poñer todas hoxe? Penseino, para ser sincera, pero logo pensei que, se Star Wars ten 11 películas, o Recomendo un libro de 5ºB debe ter polo menos 5 partes.

Isto é todo por hoxe,  💖💖

Mañá máis!!

(Os que aínda non me enviástedes a recomendación, tedes ata hoxe as 22:00h, sen presas pero sen pausas mariñeiros)

Un abrazote virtual.😍😍😍